詩篇91 （港人港經）

詩篇91

1.     邊個同宇宙最強嘅神喺埋一齊 ，搵無所不能嘅佢救命嘅，神一定睇住呢個人。

2.     我同神講： 神呀！ 你係我嘅避難所，係夠我命嘅，我信你。

3.     真架，喺你睇唔到嘅危險，神會救你，等你避開啲可以死人嘅疫症；

4.     佢將你成個人笠住，好似著咗件保護衣咁樣笠住你。神

       係信得過嘅，佢話要保護你就肯定會保護你。

5.     日頭你唔怕人亂射飛箭， 夜晚亦都唔驚撞到瘟神，

6.     朝早唔怕攞命嘅肺炎，夜晚唔怕蔓延嘅病毒。

7.     即使你屋邨有無數人中招瞓低，附近屋苑死亡率高，你都會冇事，

8.     你仲會親眼睇到嗰啲害人既壞人得報應。

9.    耶和華既然係你避難所，宇宙最強嘅神同你一齊，

10.  疫症就唔會傳畀你，病毒都唔會喺你屋企出現， 

11.  無論你去到邊，耶和華都會派啲手下喺背後保護你；

12.  假如你行路差錯腳，佢哋唔會畀你隻腳整親，會扶住你 ，

13.  就算你深入嗰啲好似有毒蛇猛獸嘅險境，都可以以勝利姿

      態咁行返出嚟。

14.  耶和華話：邊個對我好，我就救邊個；邊個跟住我，我就

      保護邊個，

15.   呢啲人嚟搵我幫手，我唔會say no， 佢哋唔掂，我同佢哋一齊孭飛，我要救佢哋，仲叫其他人畀個like佢哋添。

16.  呢啲對我好嘅人，我要洗佢哋延年益壽，睇到我係救佢哋

      嘅神！ 

詩篇1 港人港經

1.  幸福嘅人喺點嘅呢？
     佢唔會人整嗰樣，佢整嗰樣；
     佢又唔會去嗰啲駛自己做錯嘢嘅地方；
     而且佢都唔會蘇嗰啲講是講非嘅人。

2.  佢中意諗上帝講嘅嘢，成日將呢啲嘢擺喺心個度。

3.  呢啲人好似生喺河邊嘅樹，到時候就開花結果，啲樹葉都
     唔會變黃；佢哋做嘢，單單都掂。

4.  壞人就唔同咯！佢哋好似灰塵咁，俾風吹嚟吹去；

5.  上到法庭，壞人連咩都冇得咩；
     喺啲好人嗰度呢？做壞事嘅人連企都冇得企。

6.  總言之呢，好人嘅路，上帝照住；壞人嘅路，死路一條。

詩篇23（香港本土版）

詩篇23（香港粤語本土版——沈老師）

1.      耶和華啊！ 你喺帶住我嘅牧羊人，我仲有啲乜嘢系冇既咧？

2-3a  耶和華駛我放心咁瞓喺草地上面，又帶我去到安静嘅溪水旁邊唞下，駛   

         我再次神采飛揚。

3b.    耶和華爲佢自己，教我行得正企得正。

4.      就算我行喺黑嘛嘛嘅山谷，我都唔驚會俾嘢整親，

         因為你耶和華同我一齊，

5.      你又喺我對頭屋企門口擺咗圍酒，用熱毛巾俾我抹手歡迎我，

         隻酒杯仲斟到满滿俾我。

6.      吖！呢生呢世，你對我嘅好，俾我既恩情都一直喺到經歷緊，

         我梗喺要永永遠遠返嚟屋企，住喺耶和華你嗰度啦！

沈老師譯